Zbulohet sasia e tritolit e vendosur në mjetin ‘Range Rover’ të noteres Rezarta Koçi. Nuk është vënë më shumë se 100 gram tritol në mjetin e saj.
Vendosja e kësaj sasie shpërthyese dyshohet se ka qenë një formë paralajmërimi për noteren. Ajo është marrë në pyetje nga policia ditën e djeshme, ku përpara hetuesve ka treguar edhe përsonat me të cilët ka pasur probleme. Policia ka sekuestruar dhjetra kamerat e sigurise, për të parë se kush ishin personat që i vendoën lëndën plasëse në makinën e noteres.
Mjeti luksoz ishte parkuar në rrugën ‘Osman Myterizi’ poshtë një pallati në momentin që ka shpërthyer. Tritoli ishte vendosur në pjesën e përparme të makinës dhe ka sjellë dëme materiale në atë zonë të mjetit, por fatmirësisht nuk ka shkaktuar lëndime në njerëz.
PROBLEMET E NOTERES:
Rezarta Koçi ka pasur një konflikt me disa persona të ndryshëm për çështje parash. Në vitin 2019, ajo është denoncuar në polici dhe në prokurori për mashtrim dhe përvetësim parash, katër herë.
Tre kallëzimet e tjera janë bërë përgjatë këtij viti. Mirëpo thuhet se Koçi ka pasur dhe probleme të tjera dhe me persona të tjerë mirëpo këto raste nuk janë denonucar në polici. Hetimet janë duke u zhvendosur në këtë pistë për të zbuluar nëse lënda plasëse mund të jetë vendisur nga këto persona.
Një fakt tjetër, është se Koçi nuk e mbante më statusin e noteres, pasi ishte përjashtuar përgjithmonë nga sistemi, pas një hetimi të nisur me urdhër të ish-ministres së Drejtësisë, Etilda Gjonaj.
