Një predhë e Luftës së Dytë Botërore është gjetur ditën e sotme në Frakull të Fierit.
Të parët që e kanë pikasur predhën kanë qenë disa banorë të zonës e më tej është lajmëruar Ministria e Mbrojtjes që ka sjellë menjëherë ekspertët në vendngjarje për të rrethuar zonën.
Mendohet se predha është hedhur nga aviacioni italian në vitin 1939, gjatë pushtimit nga Italia.
Në vendngjarje kanë mbërritur Forcat e Armatosura dhe ato xheniere që do të bëjnë ekspertizën e predhës që thuhet se peshon 300 kg.
Sakaq, është bërë rrethmi i zonës për të shmangur ndonjë incident dhe deri më tani, nuk ka pasur asnjë lajmërim për evakuimin e banorëve përreth.
Burimi: Balkanweb
