Elson Kalaveri është 36 vjeçari i ekzekutuar mbrëmjen e djeshme në Itali. Ky i fundit u vra brenda makinës së tij në një atentat të mirëmenduar. Dyshohet që ngjarja të ketë ndodhur për motive hakmarre, pasi në vitin 2014, Kalaveri u dënua me burg për plagosjen me plumb në kokë fqinjit të tij Genti Keçi në Mamurras.
Para disa javëve, 36 vjeçari kishte dalë nga burgu dhe kishte udhëtuar drejt Italisë, ku mbeti i vrarë pas atentatit të ndodhur mbrëmjen e djershme.
Si ndodhi ngjarja në 2014-tën
Rreth orës 00:45, Elson Kalaveri ka hyrë i armatosur në postën e policisë së Mamurrasit. Mësohet se 27-vjeçari ndali hapin tek blutë për të denoncuar fqinjin e tij, Gent Keçi. Në këtë moment ka hyrë tek posta e policisë dhe 36-vjeçari Keçi. Dy personat në fjalë kanë debatuar ashpër në prezencë të punonjësve të policisë. Kalaveri, duke menduar se fqinji i tij ishte i armatosur, ka nxjerrë pistoletën që e mbante me vete dhe ia ka vënë në ballë. Në çast ai e ka qëlluar atë me plumb në kokë duke e plagosur rëndë. Gjithçka ka ndodhur shumë shpejt. Policia i ka vënë prangat autorit, ndërsa i plagosuri është dërguar me urgjencë në Spitalin Ushtarak të Tiranës, ku ndodhet në gjendje kritike për jetën. Në njoftimin zyrtar, policia e Kurbinit ka deklaruar se ngjarja ka ndodhur në qytetin e Mamurrasit dhe jo brenda postës së policisë së këtij qyteti.
