Pas aksidentit ajëror të 10 Marsit në aeroportin e Addis Abeb në kyeqytetin e Etiopisë , ku humbën jetën 157 personat në bordin e Boeing 737 Max 8 që po udhëtonte për në Kenia, prodhuesi amerikan doli në një komunikatë.
Ai ka pranuar se një gabim në Sistemin e Forcimit të Karakteristikave të Manovrimit (MACS) ka luajtur rol në aksidentet e pësuara nga modeli 737 MAX 8 dhe kërkoi falje për humbjen e jetëve.
“Kërkojmë falje për jetët e humbura në aksidentet me 737 MAX,” – tha drejtuesi ekzekutiv (CEO) Dennis Muilenburg në Twitter, lidhur me aksidentet e modelit 737 MAX të Ethiopian Airlines të Etiopisë dhe Lion Air të Indonezisë.
Ndër të tjera ai theksoi se detajet e plota të të dyjave aksidenteve do të shpalosen në raportet e qeverisë përkatëse
“Megjithatë, sipas raporteve të para shqyrtuese të aksidentit të Ethiopian Airlines, është e qartë se sistemi i njohur si MCAS, në të dy aksidentet ka qenë aktiv pasi ka marrë informacione të gabuara të shpejtësisë,” – tha Muilenburg.
Duhet theksuar se rrëzimi i avionit në Etiopi ishte aksidenti i dytë vdekjeprurës i modelit Boeing 737 MAX në më pak se 5 muaj.
Më 29 tetor të vitit të kaluar, 189 persona, përfshirë edhe personelin, humbën jetën pasi avioni i linjës indoneziane Lion Air, u rrëzua pak pas ngritjes nga Xhakarta në fluturimin drejt qytetit Pangkal Pinang në ishullin Sumatra.
Pas aksidentit fatal në Etiopi, shumë shtete dhe linja ajrore ndaluan fluturimet e modeleve 737-MAX 8 dhe Boeing 737-MAX 9.
