Pas rradhëve të gjata dhe kaosit të shkaktuar në kufirin e Kapshticës për të lëvizur drejt Greqisë duket se gjërat po shkojnë drejt normalitetit.
Menjëherë pas vendimit se pala greke do të vijojë punën në dy pikat kufitare deri në orën 22:00 efektet pozitive kanë filluar të ndihen në Kapshticë.
Mësohet se deri më tani sportelet në këtë doganë kanë punuar me kapacitete të plota dhe kanë arritur të kalojnë të gjithë qytetarët që prisnin në radhë për t’u larguar drejt Greqisë.
Kujtojmë se nga data 17 gusht 2020, nga pika kufitare e Kakavijës do të kenë mundësi të kalojnë vetëm 750 persona në ditë, ndërsa nga ajo e Kapshticës vetëm 300 persona në ditë, në fashën orare 06:00 deri në orën 22:00, konform rregullave të vendosura nga pala greke, si pasojë e situatës së krijuar nga COVID-19.
