Ditën e sotme, Partia Demokratike depoziton kërkesën për ngritjen e Komisionit Hetimor për udhëtime luksoze me charter të Edi Ramës.
36 Deputetë të Kuvendit të Shqipërisë depozituan në Kuvend kërkesën për ngritjen e Komisionit Hetimor “Për verifikimin e ligjshmërisë së shpenzimeve të udhëtimeve me avion jashtë shtetit të Kryeministrit në detyrë, nga data 10.09.2013 deri në datë 31.10.2022″.
Kërkesa është firmosur nga 36 deputetë, të PD, grupit të Alibeajt dhe Partisë së Lirisë, teksa kërkohet ngritja e komisionit hetimor parlamentar për të hetuar ligjshmërinë e udhëtimeve të kryera nga kryeministri Rama nga data 10 shtator 2013 deri më 31 tetor 2022.
Deputetët e PD dhe PL kërkojnë të verifikohet ligjshmëria e shpenzimeve për udhëtimet
Luçiano Boçi
Flamur Noka
Albana Vokshi
Sorina Koti
Sali Berisha
Edmond Spaho
Agron Shehaj
Dashamir Shehi
Bujar Leskaj
Zef Hila
Xhelal Mziu
Luan Baçi
Ina Zhupa
Oerd Bylykbashi
Elda Hoti
Edi Paloka
Belind Këlliçi
Isuf Çelaj
Lindita Metaliaj
Kasem Mahmutaj
Tritan Shehu
Greta Bardeli
Tomor Alizoti
Bledjon Nallbati
Vangjel Dule
Agron Duka
Ilda Dhori
Dhurata Çupi
Ramadan Likaj
Petrit Vasili
Erisa Xhixho
Monika Kryemadhi
Ervin Salianji
Kreshnik Çollaku
Emilia Koliqi
Merita Bakiu
Në kërkesë theksohet se faktet e publikuara janë tronditëse. “Kryeministri rezulton të ketë udhëtuar 137 herë jashtë shtetit me avion privat të tipit “charter”, pa llogaritur udhëtimet e tjera me avion të linjave të zakonshme me intervale 3-4-ditore njëri nga tjetri. Rezulton se edhe gjatë krizës së pandemisë COVID-19, Kryeministri ka kryer rreth 20 udhëtime me avion “charter”. Shifra e 137 udhëtimeve “charter” është dy herë më shumë se numri i udhëtimeve të ish-Presidenti amerikan Xhorxh W. BUSH, i cili, në dy mandate, kishte kryer 74 fluturime me avionin presidencial amerikan “Air Force One”.
