I gjithë territori i Qarkut Kukës është i përfshirë nga reshje shiu me intensitet të ulët dhe reshje bore në lartësinë mbi 600 m.
Për shkak të rreshjeve të dëborës, akset nacionale rrugore vazhdojnë të përballen me rënien e gurëve, inerteve dhe ngricave, duke shkaktuar vështirësi në qarkullimin e mjeteve në disa segmente.
Subjektet kontraktore kanë punuar pa ndërprerje dhe me të gjitha kapacitetet për të mbajtur funksionale këto akse.
Nga bashkitë Kukës, Tropojë dhe Has nuk ka raporte për ndonjë problematikë emergjente.
I gjithë Qarku i Kukësit është i furnizuar me energji elektrike, përveç Njësisë Administrative Llugaj në bashkinë Tropojë, fshatit Vlahen, Njësisë Administrative Golaj dhe fshatrave Pogaj dhe Kishaj.
