Mbrëmjen e së shtunës u ekzekutua vendimi i Prokurorisë së Posaçme arrestimin e dhëndrit të ish-kryeministrit Sali Berisha, Jamarbër Malltezi, ortakut të tij Fatmir Bektashi dhe vendimin për detyrim paraqitje ndaj Berishës, për aferën me ish-klubin e Partizanit.
Ndërkohë që në dosjen e SPAK-ut rëndojnë akuzat ndaj ish-kryeministrit Berisha se ka shfrytëzuar postin e kryeministrit për të favorizuar dhëndrin e tij, madje sipas saj ka vënë në lëvizje edhe administratën në favor të Jamarbër Malltezit.
Por duket se voluminoze,Prokuraria dhe gjykata kanë bërë një ‘sy qorr’ ndaj rolit vendimtar që ka pasur kryeminsitri Edi Rama në këtë aferë korruptive, teksa në atë kohë drejtonte KRRT-në e Tiranës.
Ndërkohë është zbardhur dokumenti ku me firmën e tij, Edi Rama i ka hapur rrugë ndërtimit të kullave në ish-kompleksin Partizani. Por pavarësisht se emri dhe firma e Ramës janë fakte të panegociueshme, sërish gjykata i ka anashkaluar.
Në shkresën e lejes së ndërtimit, që mban datën 29 dhjetor 2007 thuhet:
“KRRT e Tiranës me vendimin me numër 136 datë 29 dhjetor 2007 miratoi sheshin e ndërtimit, destinacionin e funksionit të tij dhe kondicionet, shesh ndërtimi për godinë banimi dhe shërbime, 5,7 dhe 9 kate dhe 2 kate parking nëntokësor në rrugën “Frosina Plaku”. Theksojmë se në dokument shkruhen edhe emrat e pronarëve përfitues të pronës dhe në fund emri i Edi Ramës dhe Sekretarit të KRRT, Dritan Agolli
