Ditën e sotme qeveria, në kuadër të masave të marra për parandalimin e përhapjes së COVID-19, vendosi që të ndalojë lëvizjen e këmbësorëve pas orës 18:00, si edhe frekuentimin e parqeve dhe vendeve të tjera publike që frekuentohen kryesisht nga mosha e tretë.
Së fundmi është zbardhur edhe Akti Normativ që ka hyrë në fuqi ditën e sotme dhe parashikon gjobitjen në masën 10, 000 (dhjetë mijë) lekë dhe bllokimin për 3 muaj të automjetit privat, nëse personi që ka shkelur ligjin e disponon një të tillë.
Individët që frekuentojnë parqe dhe zona të gjelbërta të hapura, në zonat urbane, apo mjedise të tjera publike të hapura, dënohen me gjobë në masën 20 000 (njëzet mijë) lekë dhe me bllokim 3 muaj të automjetit privat, nëse e disponojnë një të tillë.
Po ashtu, edhe individët, të cilët lëvizin me biçikletë, çiklomotor ose motomjet, do dënohen me bllokim të mjetit lëvizës për 3 muaj.
Deri tani në vendin tonë janë infektuar 51 persona dhe është shënuar një viktimë, teksa mes të prekurve janë edhe 8 mjekë.
Coronavirusi në Shqipëri: Infektohet mjeku reanimator në QSUT
AKT NORMATIV Nr.4, datë 16.3.2020
PËR DISA SHTESA NË AKTIN NORMATIV NR.3, DATË 15.3.2020, TË KËSHILLIT TË MINISTRAVE, “PËR MARRJEN E MASAVE TË VEÇANTA ADMINISTRATIVE GJATË KOHËZGJATJES SË PERIUDHËS SË INFEKSIONIT TË SHKAKTUAR NGA COVID-19”
Në mbështetje të nenit 101 të Kushtetutës, me propozimin e ministrit të Shëndetësisë dhe Mbrojtjes Sociale dhe të ministrit të Brendshëm, Këshilli i Ministrave
VENDOSI:
Neni 1
Pas pikës 16, të nenit 3, të aktit normativ nr.3, datë 15.3.2020, të Këshillit të Ministrave, shtohen pikat 17, 18 dhe 19, me këtë përmbajtje:
Për më shumë bëhu pjesë e grupit më viral në Facebook, Dosja.al
“17. Individët, të cilët nuk zbatojnë urdhrin e dhënë nga organet kompetente për ndalimin e lëvizjes për këmbësorët sipas orareve të përcaktuara, dënohen me gjobë në masën 10 000 (dhjetë mijë) lekë dhe me bllokim 3 muaj të automjetit privat, nëse e disponon një të tillë.
Individët, të cilët nuk zbatojnë urdhrin e dhënë nga organet kompetente për kufizimin e lëvizjeve në parqe dhe zona të gjelbërta të hapura, në zonat urbane, apo mjedise të tjera publike të hapura, dënohen me gjobë në masën 20 000 (njëzet mijë) lekë dhe me bllokim 3 muaj të automjetit privat, nëse e disponon një të tillë. Për individët, të cilët, nëkushtet e shkeljeve të pikave 17 dhe 18, të këtij neni, lëvizin me biçikletë, ciklomotor ose motomjet, zbatohet edhe masa shoqëruese e bllokimit të mjetit lëvizës për 3 muaj.”.
Neni 2
Hyrja në fuqi
Ky akt normativ hyn në fuqi menjëherë dhe botohet në Fletoren Zyrtare.
KRYEMINISTËR
Edi Rama
