Një ditë para mbledhjes së Këshillit Kombëtar, janë zbardhur emrat që pritet të votohen për ekipin e ri të Partisë Demokratike. Siç duket, Basha ka zgjedhur që postet kyçe t’ua bësojë grave, pasi emrat e tyre janë nominuar për pozicione dhe sekretariate të rëndësishme.
Për herë të parë, në PD pritet të ketë dy gra nënkryetare. Ato do të jenë Jorida Tabaku, nënkryetare përgjegjëse për marrëdhëniet me jashtë dhe Grida Duma, nënkryetare përgjegjëse për marrëdhëniet me shoqërinë civile.
Juristi Alfred Rushaj, tashmë deputet i Tiranës, do të jetë nënkryetar i PD dhe kryetar i Grupit Parlamentar. Enkelejd Alibeaj, drejtuesi politik dhe deputet i Fierit, do të jetë kandidatura e PD për nënkryetar të Kuvendit, në të njëjtën kohë dhe nënkryetar i demokratëve.
Sekretari I Përgjithshëm. Gazment Bardhi rikonfirmohet në detyrë.
për kryetar të Këshillit Kombëtar të Partisë Demokratike do të propozohet Edi paloka, ndërsa Edmond Spaho ka kërkuar të mbajë vetëm detyrën e deputetit.
Shkrimtarja dhe tashmë deputetja Flutura Açka është nominuar për postin e Kryetares së Komisionit të Apelimit, Integritetit dhe Etikës.
Si kryetar i Komisionit Zgjedhor është nominuar Jemin Gjana.
për çështjen e pronave dhe të përndjekurve, Lulzim Basha ka vendosur që të ketë sekretariate të dedikuara. Për Sekretare për Pronarët dhe cështjet e pronave, është nominuar Ledina Mandian, e cila vjen nga një përvojë e pasur juridike me një fokus të vecantë në këtë fushë. Ndërsa Jonila Godole, që është një prurje e re në Partinë Demokratike, pritet të jetë Sekretare për të Përndjekurit Politikë, një fushë me të cilën ka punuar prej vitesh.
Gjithashtu është krijuar Sekretariatin për Klimën e Biznesit për të cilin është propozuar emri i Drejtuesit Politik të Qakut Kukës, dhe sipërmarrësit Flamur Hoxha.
gjithashtu është do të krijohet një sekretariat që prioritet do të ketë emigrantët dhe diasporën dhe është propozuar të drejtohet nga Belind Këlliçi.
Oriela Nebiaj, e cila ishte kandidate për deputete në listën e Tiranës, do të jetë Sekretare për Organizatat Partnere.
Për Sekretariatin e Burimeve Njerëzore dhe atë të Marrëdhënieve me Publikun janë nominuar, Arta Sakja, dhe deputetja e Shkodrës Greta Bardeli.
Ervin Minarolli është propozuar për postin e Sekretarit Organizativ, ndërsa Sekretar për Çështjet Ligjore dhe Zgjedhore, është propozuar Ivi Kaso.
Për herë të parë do të krijohet Sekretariati i Koordinimit Elektoral si dhe Sekretariati i Organizimit Dixhital, poste për të cilat janë nominuar Taulant Zeneli dhe Endri Hasa.
Pedagogia dhe studiuesja Enriketa Papa është nominuar për postin e kryetares së Fondacionit për Liri dhe Demokraci.
Ndërkohë, mësohet se Grupi i ri Parlamentar do të ketë dy nënkryetarë që pritet të jenë Ervin Salianji dhe Luçiano Boçi. Oriola Pampuri do të jetë zëdhënëse e grupit ndërsa Arbi Agalliu do të jetë Sekretar i Grupit Parlamnetar, deputetit të ri të Vlorës Arbi Agalliu.
Deputetët janë ndarë në 8 komisone ku drejtimi nga ana e PD i është besuar:
Komisioni për Integrimin Europian: Jorida Tabaku
Komisioni për Edukimin dhe Mjetet e Informimit Publik: Agron Gjekmarkaj
Komisioni për Punën, Cështjet Sociale dhe Shëndetësinë: Albana Vokshi
Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi
Komisioni për Ekonominë dhe Financat: Sorina Koti
Komisioni për Veprimtaritë Prodhuese, Tregëtinë dhe Mjedisin: Helidon Bushati
Komisioni për Sigurinë Kombëtare: Flamur Noka
Komisioni për Politikën e Jashtme: Tomorr Alizoti
