Sipas burimeve, pritet të bëhen ndryshime në drejtimin e disa prej drejtorive të qarqeve të Policisë së Shtetit, me emra të rinj që pritet të marrin pozicione kyçe.
Vilson Bala pritet të emërohet në krye të Policisë së Tiranës. Ndërkohë, Elidon Çela është parashikuar të drejtojë Policinë në Berat, Fatmir Lleshaj në Durrës, dhe Luigj Vathi, aktualisht zëvendësdrejtor në Tiranë, do të transferohet në Lezhë. Elton Alushi pritet të marrë drejtimin në Vlorë, Altin Mena në Elbasan, dhe Gentian Berberi në Shkodër.
Këto emërime pritet të konfirmohen zyrtarisht në ditët në vijim.
