Ambasadorja amerikane, Yuri Kim ka shpërndarë në Tëitter deklaratën e Ipeshkëve Katolikë për zgjedhjet e 25 prillit. Kim shkruan se kush shet votën, ka shitur dijnitetin e vet dhe të familjes. Nga ana tjetër, kush e blen votën duke përdorur varfërinë e votuesve, nuk është i denjë për detyrën që kërkon.
Mesazh i fuqishëm i Ipeshkëve Katolikë! “Shitblerja e votës është plagë e madhe! Kush e shet votën ka shitur dinjitetin e vet & atë të familjes. Kush e blen votën duke përfituar nga varfëria e votuesve nuk është i denjë të ulet në detyrën për të cilën kërkon.”, shkruan Kim.
Më herët Ipeshkvët Katolikë dolën me një deklaratë lidhur me zgjedhjet, duke thënë se pjesëmarrja në votime është detyrim moral , ndërsa fenomeni i shitblerjes së votës është një plagë që duhet zhdukur.
Pjesë nga deklarata:
Në vigjilje të këtyre zgjedhjeve do të donim të ftonim gjithë qytetarët të marrin pjesë në këtë moment të jetës dmokratike. Është e drejtë dhe detyrë e çdo qytetari. Pjesëmarrja në votime është detyrim moral. Së dyti, ashtu sikurse e kemi ritheksuar edhe në deklaratat e mëparshme, është fenomeni i shitblerjes së votës, plagë e madhe që duhet zhdukur. Kush shet votën me para, s’ka zot për të kërkuar llogari. Kush e blen votën me para nuk është i denjë për karrigen e deputetit.
Bashkëngjitur shitblerjes është betimi mbi libër të shenjtë, beja është e papranueshme në këtë rast. I papranueshëm votimi mbi kërcënim, puna është fryt i aftësisë, jo i partisë.
Nuk është rasti të votohen kandidatë me të kaluar të dyfishtë. Integriteti duhet të jetë kusht i domosdoshëm. Qytetari të votojë kandidatët transparentë dhe me integritet.
