Ambasadorja Amerikane, Yuri Kim është nisur menjëherë drejt Elbasanit pasi ka vizituar KZAZ-në Nr.39 në kryeqytet. Kim shkruante më herët për vizitën e saj në këtë KZAZ se ishte mirë që shihte një bashkëpunim më të mirë mes gjithë sporteleve dhe stafit për një proces të shpejtë numërimi. Ajo bëri me dije se stafi i Ambasadës Amerikane po viziton qendrat e numërimit gjatë natës për të përgëzuar ata që punojnë më shumë.
“Sapo përfundova vizitën time të dytë sot në qendrën e numërimit në Tiranë # 39. Mirë për të parë një bashkëpunim më të mirë midis të gjithë sporteleve dhe stafit, ritëm më të shpejtë të numërimit. Stafi i Ambasadës Amerikane po viziton qendrat gjatë natës për të brohoritur për ata që punojnë shumë në mënyrë që votuesit të shohin votat e tyre të llogaritura ASAP,”- shkruante Kim.
Ndërkohë, menjëherë ajo është nisur me shpejtësi drejt qytetit të Elbasanit ku po ashtu ka parë nga afër procesin e numërimit të votave. Për një moment ajo ka biseduar me disa prej komisionerëve dhe më pas është larguar. Ambasadorja nuk ka ndalur të flasë me gazetarët, por thirrjet e saj kanë qenë të vazhdueshme që partitë të presin shpalljen e rezultatit nga KQZ.
