Prokuroria e Posaçme Kundër Korrupsionit dhe Krimit të Organizuar (SPAK) ka nisur hetimin për ish-kryetarin e bashkisë Kamëz, Xhelal Mziu.
Burime të “Top Channel” thonë se Mziu po verifikohet nga dy prokurorët Sotir Kllapi dhe Klodian Braho për shpërdorim detyre dhe çështje korrupsioni.
Dyshohet se Mziu ka favorizuar subjekte private, që janë pajisur me leje zhvillimi dhe ndërtimi, duke mos i detyuar të kalojnë 3% të sipërfaqes funksionale për banesa sociale në favor të Bashkisë.
Në këtë kallëzim thuhet se dëmi fillestar për këtë “neglizhencë” ndaj Bashkisë Kamëz është 22 milionë lekë të reja.
Dosja tjetër për të cilën Mziu akuzohet ka të bëjë me linjat e transportit të udhëtarëve dhe licensimin e tyre në territorin që mbulon Bashkia Kamëz. Në këtë dosje nuk ka asnjë kontratë dhe dokument përkatës të autoritetit të licensimit të linjave të transportit.
Gjatë kohës që mbante nën drejtim Bashkinë Kamëz, Xhelal Mziu u hetua nga Prokuroria e Tiranës e më e pas u arrestu për dyshimet e pabarazisë në tendera.
