Ditën e sotme është zhvilluar protesta e thirrur nga ish-kryeministri Sali Berisha pranë selisë së Partisë Demokratike.
Protesta ka qenë e dhunshme dhe policia ka përdorur gazin lotsjellës kundjet protestuesve, ku ndër të lënduarit është edhe vetë Berisha.
Protestesit, mbështës të ish kryeministrit Sali Berisha, duket se kanë njohur mirë selinë e PD, duke qenë se sulmit nuk i ka as zyra e kryedemokratit Lulzim Basha. Edhe pse në katin e dytë të godinës, protestuesit kanë qëlluar me gurë, duke thyer fasadën e xhamtë të dritares.
Ndërkohë që në zyrë duken qartë shenja të sulmit nga ana e protestuesve. Xhama të thyer në tokë, e gurë, janë hedhur në zyrën e kryedemokratit. Mbështetësit e ish-kryeministrit Sali Berisha kanë thyer dyer dhe dritare.
“Ballkan Web” ka siguruar një video ku duken gurët dhe xhamat në zyrën e Bashës.
Kujtomë që më herët prokurorja e Tiranës, Elizabeta Imeraj ka mbërritur në ambientet e selisë së PD-së ku po zhvillohet protesta e mbështetësve të Sali Berishës.
Në këtë protestë, kemi parë përdorimin e dhunës nga shtetas të ndryshëm, që kanë përdorur leva, çekiçë dhe sende të tjera rrethanore për të hapur dyert e selisë blu. Persona nga brenda selisë janë përgjigjur me gaz lotsjellës. Disa qytetarë kanë mbetur të lënduar.
Imeraj u shpreh se do të ndiqet çdo situatë dhe se përgjegjësit do të përgjigjen para ligjit.
