Presidenti francez, Emanuel Macron, pritet të vizitojë Shqipëinë dhe Maqedoninë e Veriut muajin e ardhshëm.
Pas vetos për bllokimin e negociatave, shefi i Elizesë u shpreh se do të takohet me kryeministrat e këtyre vendeve, për të folur në lidhje me reformat që duhet të ndjekin.
Burime diplomatike për “Exit.al” thanë se nuk ka detaje për këtë vizitë, pasi ende mbetet një premtim në parim.
Presidenti Macron si shenjë mbështetje të Francës ndaj Shqipërisë, ka vendosur të hapë në Tiranë, zyrën e Agjencisë Franceze të Zhvillimit.
Kjo zyrë do të ndihmojë në zhvillimin e disa projekteve në Shqipëri.
Presidenti francez kishte planifikuar një vizitë në Shqipëri në vjeshtën e 2018-ës, në kuadër të një turi Ballkanin, i cili në fund u anullua.
Më 16 korrik, Macron vizitoi Serbinë, por shmangu Shqipërinë.
Shkak për vizitën e tij, mund të jenë bërë edhe kritikat e shumta nga liderë europianë, pas vendosjes së vetos për Shqipërinë dhe Maqedonin e Veriut.
