Pas gjithë problematikave të hasura së fundmi mes Serbisë dhe Kosovës, Presidenti Vuçiç ka lajmëruar se do të marr pjesë në Samitin e vendeve të Ballkanit, i cili do të zhvillohet në mars.
Vuçiç e ka bërë të ditur këtë lajm ditën e sotme në konferencën e përbashkët për mediat ku i pranishëm ishte dhe Presidenti slloven. Serbia dëshiron të dëgjojë dhe zërin dhe interesat e shqiptarëve, pasi sipas tij janë të rëndësishëm në këtë çështje.
Mesa duket Vuçiç është duke shpresuar për ndonjë “aleancë” me qeverinë shqiptare, e cila ta ndihmojë që Kosova të heq taksën prej 100% që është vendosur për produktet serbe, megjithatë kjo mbetet për t’u parë.
“E di se askush nuk dëshiron ta dëgjojë këtë fjali, por është thelbësore që të shohim edhe interesat e tjetrit dhe të bëjmë përpjekje të arrijmë kompromis”, është shprehur ai gjatë konferences për mediat.
Kështu diskutimet mes Serbisë dhe Kosovës pritet të jenë temë edhe në Tiranë në Samitin e Brdo-Briunit që mbahet në datat 7 dhe 8 mars.
