Në muajin dhjetor të vitit të kaluar, një ngjarje e rëndë ndodhi në një market në zonën “Vasil Shanto” në Tiranë, ku konflikti midis të rinjve degradoi në pasoja tragjike.
Jurgen Duka, 29 vjeç, banues në Kamëz dhe me precedentë penalë mbeti i vrarë me armë zjarri nga efektivi i policisë Arbër Sula, banues në Sauk dhe agjent krimesh në Drejtorinë Vendore të Policisë Dibër.
Ndërkohë dy ditë më parë Sula u vetëdorëzua në policisë dhe dëshmoi para grupit hetimor se nuk e njihte viktimën e se nuk donte që ta vriste.
I riu doli ditën e sotme përballë trupës gjykuese për t’u përballur me akuzën e vrasjes. Jurgen Duka u la në arrest me burg ditën e sotme nga Gjykata e Tiranës.
Kujtojmë që Duka ishte në market me një grup shokësh për të blerë disa pije alkoolike, por paralelisht me ta, ishte edhe efektivi i policisë së Dibrës, Arbër Sula së bashku me miqtë e tij. Sherri ka nisur në momentin kur pesë të rinjtë kanë mbërritur në kasë dhe do të bënin pagesën. Viktima ka nisur të konfliktohet me Sulën, për faktin se kush do të paguante i pari. Mes tyre ndërhyn dhe shoku i 29-vjeçarit, por situata përshkallëzohet. Pesë të rinjtë nisin të përplasen fizikisht dhe pavarësisht ndërhyrjes së shitësit shkrepet arma dhe plumbi përfundon në zemrën e Dukës.
