Një 67-vjeçar me origjinë nga Kosova, do të gjykohet sot në gjykatën e Zvicrës, në qytetin e St.Gallen.
Prokuroria ka kërkuar 7 vite burgim për shqiptarin, që kishte vrarë me lugën e këpucëve gruan e tij.
I akuzuar ndodhet aktualisht në paraburgim, ndërkohë që Prokuroria e akuzon për vrasje pa dashje, edhe pse ai mund edhe të dëbohet nga Zvicra për 10 vite.
Ai kishte mbërritur si punëtor në 1974 në Zvicër, ndërkohë që kishte tërhequr edhe familjen.
Familja e tyre kishte qenë në harmoni, deri kur të gjithë fëmijët u larguan, dhe çifti kishte pasur konfilkte mes tyre.
Gruaja kishte ndryshuar, dhe shpesh e kishte poshtëruar burrin e saj, ky i fundit teksa e kishte duruar për disa muaj.
Një të premte gjatë vitit 2019, ai humbi kontrollin dhe filloi të godosite gruan e tij me shuplakë në fytyrë.
Pastaj, siç thuhet në aktakuzë, e ka kapur një lugë këpucësh prej metali, të gjatë 56 centimetra dhe e ka goditur viktimën rreth 20 deri 30 herë. Gruaja kishte vdekur nga plagët e rënda që kishte marrë.
I akuzuari e kishte thirrur vetë Policinë dhe pa rezistuar ishte arrestuar nga ta.
Sipas aktakuzës, ai ka thënë se nuk donte ta vriste gruan, duke u shfaqur thellësisht i penduar për aktin.
/GazetaReforma.com/
