Një krim makabër ndodhi para disa ditësh në Durrës. Bashkëshorti vrau me thikë gruan e vet, 36-vjeçaren Hasbije Kuka.
Autori i ngjarjes së rëndë, Ardian Kuka 37 vjeç kishte ushtruar dhunë edhe herë të tjera ndaj saj. Viktima ka qenë me urdhër mbrojtjeje nga Kuka, pikërisht për këtë arsye.
Ai e ka qëlluar 5-6 herë me thikë gruan e vet, ku kjo e fundit nuk ka mundur dot t’u mbijetonte plagëve të marra. Pas ngjarjes, kryefamiljari u gjet i mbytur në det tek Sektori Rinia.
Ditën e sotme kanë dalë edhe rezultatet e ekspertizës mjekoligjore për Ardian Kukën.
Sipas mjekëve autori është mbytur me vullnetin e tij në det dhe më pas dallgët e kanë nxjerrë në breg. Ekspertiza mjeko-ligjore nxori gjithashtu se ai vuante nga skizofrenia. Ai është futur në det dhe ka pirë ujë me shumicë derisa ka humbur ndjenjat dhe është mbytur.
Midis çiftit kishin nisur debatet për arsye xhelozie. Ardiani edhe pse ia kishte gjetur vetë punën Hazbies, ishte shumë xheloz. Kjo pasi ajo kishte filluar të vishej më mirë se zakonisht kur shkonte në punë.
Ky fakt ka bërë që ai të dyshonte për ndonjë lidhje jashtëmartesore të Hazbies.
