Një ngjarje e rëndë ka ndodhur ditën e djeshme në Fier në zonën e quajtur “Sheqi i Madh, ku një 50 vjeçare është vrarë me thikën e bukës nga burri i saj, i cili e raportoi fillimisht si vetëvrasje.
Petrit Manaj 56 vjeç kishte goditur gruan me thikë në zemër rreth orës 06:30 të mëngjesit të së martës dhe më pas kishte shkuar në lokalin e lagjes për të pirë kafen. Kështu ka deklaruar në Policinë e Fierit vetë autori i krimit.
20 minuta pas vrasjes, ai ishte rikthyer në banesë dhe e kishte qëlluar gruan edhe disa herë të tjera me thikë në pjesë të ndryshme të trupit. Sipas tij, këtë gjë e kishte bërë që varianti i tij për vetëvrasje të ishte më i besueshëm.
Valdete Manaj 50 vjeç, kishte humbur jetën menjëherë për shkak të gjakderdhjes të shkaktuara nga goditjet me thikë.
Ndërkohë banesa ku ndodhi krimi është e mbyllur banorë të zonës shprehin habinë e tyre për atë që kishtë ndodhur. Ata shprehen për “ Syri Tv” se ishin vertet njerëz shumë të mirë dhe që shikonin hallin e tyre. “Punonin dhe rrisnin fëmijët”, thotë një zonjë.
Kujtojmë se e viktima punonte shitëse në një dyqan në qytetin e Fierit, ndërsa bashkëshorti i saj ishte punonjës në shërbimet komunale.
