Ditën e djeshme një ngajrje e rëndë ndodhi në kryeqytet.
37-vjeçar, Olgert Dhimtri ka plagosur për vdekje 60-vjeçrin Ilir Kapo.
Kujtojmë që konflikti mes viktimës dhe autorit ka nisur pasi viktima, Ilir Kapo, e ka sharë me termin “malok” dhe Olgert Dhimitri është ndjerë i ofenduar dhe ka nisur menjëherë debatin, i cili përfundoi me vrasje. Autori dhe viktima ndodheshin në të njëjtin lokal, të dy ishin nën efektin e alkoolit.
“Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit O. Dh., 37 vjeç, pasi për motive të dobëta, ka goditur me mjet prerës shtetasin I. K., 60 vjeç, i cili si pasojë e plagëve të marra ka ndërruar jetë” bën të ditur policia.
Ndërkohë që materialet i kaluan Prokurorisë për veprime të mëtejshme procedurale.
Burime bëjnë me dije se viktima dhe autori kanë qenë duke pirë kafe së bashku në një lokal, ku pas një konflikti të çastit, i riu e ka qëlluar 60-vjeçarin me thikë duke i shkaktuar vdekjen.
Mësohet se autori ka qenë në gjendje tejet të dehur në momentin kur e ka kryer krimin e rëndë. Kapo dhe Dhimitri po konsumonin alkool në një lokal pranë vendit të ngjarjes. Pas debatit verbal, Dhimitri ka qëlluar barbarisht me një thikë buke fqinjin. Pas ngjarjes, 37-vjeçarit iu bë testi dhe përqindja e zbuluar e alkoolit në gjak ishte tepër e lartë.
