Ditën e sotme Gjykata e Elbasanit ka caktuar masën arrest me burg për të riun Ardit Hida, i cili akuzohet për vrasjen e 26 vjeçarit Florenc Kovaçi dhe plagosjen rëndë të vëllait të këtij të fundit Mikel Kovaçin.
Para gjykatës, autori i dyshuar i krimit ka treguar se ka qenë i dehur në momentin kur ka sulmuar me thikë dy vëllezërit Kovaçi.
Sipas BW, i riu ka thënë para togave të zeza se pasi dy vëllezërit e kërcënuan iu errën sytë dhe mori bixhakun për vetëmbrojtje.
Tri ditë më parë Florenc Kovaçi në tentativë për të mbrojtur të vëllain e tij 19-vjeçar, u qëllua me thikë për vdekje nga Ardit Hida. Autori i dyshuar i këtij krimi pak orë pas ngjarjes u kap në lagjen “Brigada e 17 Sulmuese” në qytetin e Elbasanit, ndërsa ishte bërë gati të largohej.
