Pas vrasjes së bujshme të mbrëmjes së djeshme, autori i ngjarjes, 29 vjeçari Demokrat Medinaj është gjetur i pajetë në një pikë grumbullimi të plehrave në qytetin e Fierit, ndërsa nuk dihet ende nëse është vrarë apo vetëvrarë.
Kujtojmë se dje në “Sheq” të Fierit, 29 vjeçari goditi për vdekje me thikë bashkëshorten e tij 27 vjeçare, Irvana Medianj.
Vrasja e 27 vjeçares dyshohet të ketë ndodhur në prani të personave të tjerë të familjes. Këta të fundit kanë telefonuar ambulancën, duke deklaruar se kanë një person të plagosur në shtëpi.
Kur ambulanca ka mbërritur ka gjetur gruan 27 vjeçare të shtrirë në tokë me plagë dhe të pajetë. Kanë qenë pjesëtarë të stafit të spitalit ata që kanë njoftuar policinë e Fierit.
Në vendin e ngjarjes është gjetur edhe mjeti i krimit të përdorur nga autori 29 vjeçar, Demokrat Medianj. Thika është lënë në vendin ku ndodhi krimi, ndërsa autori është larguar menjëherë nga vendngjarja. Nga hetimet e policisë, u zbulua se autori i krimit është nipi i biznesmenit të njohur si “Ben Qimja”.
Informacion paraprak
Sot rreth orës 10:20, në vendin e quajtur “Vija e ngjalës”, është gjetur pa shënja jete shtetasi D. M., 29 vjeç, banues në lagjen “Sheq i madh”, Fier, i cili ishte në kërkim nga Policia pasi pasditën e djeshme ka vrarë me mjet prerës(thikë), bashkëshorten e tij.
Nga kqyrja paraprake e kufomës nuk janë konstatuar shënja dhune.
Trupi i viktimës është transportuar në morgun e spitalit për t’iu nënshtruar një ekspertize mjeko ligjore më të specializuar.
Grupi hetimor po punon për zbardhjen e plotë të rrethanave të ngjarjes.
