Në Gjykatën e Tiranës është mbajtur sot seanca për autorin e vrasjes së 50-vjeçarit Alfred Dedja në Ndroq.
Gjykata ka vendosur të lërë në burg 27-vjeçarin Julian Gjoshi, ndërsa ka kërkuar një akt ekspertimi psikiatrik për të, pasi dyshohet se është përdorues i lëndëve narkotike. Avokati i tij argumentoi se varësia nga droga ka ndikuar në aftësitë e tij psikike.
Gjoshi u vetëdorëzua një ditë pas ngjarjes, që ndodhi në një lokal në Ndroq. Ai ka deklaruar se armën e përdorur në vrasje e ka hedhur në shkurre, por ende nuk është gjetur.
Gjoshi është kunati i Altin Hajrit dhe ka pasur një arrestim në vitin 2021 për armëmbajtje pa leje.
