Vazhdojnë hetimet për të zbuluar motivin për vrasjen e të riut shqiptar, Kasem Kasmit, në Frosinone, ngjarje e cila tronditi zonën. Autopsia e trupit të tij është bërë në morgun e spitalit ‘Fabrizio Spaziani’, ndërsa hetuesit po përqendrohen kryesisht te hipoteza për paratë.
Në shtëpinë e vrasësit, Mikea Zaka, u gjetën 20 mijë euro cash, ndërkohë versioni i dhënë për grindje me një grup tjetër për shkak të një çështjeje të lidhur me një grua, duket të jetë pa baza. Edhe pse është kryer arrestimi i tij për vrasje dhe tentativë vrasje trefishtë, arma e krimit ende nuk është gjetur.
Vrasja ndodhi jashtë një lokali në qendër të Frosinones, ku Kasmi u qëllua me tre plumba nga Zaka. Përveç viktimës, tre persona të tjerë janë plagosur, njëri prej tyre në gjendje të rëndë, nga gjashtë të shtëna me armë zjarri.
