Gjykata e Fierit ka lënë në burg Albert Zajan, autorin e dyshuar të vrasjes së Shkëlzen Kastratit. Kjo është hera e dytë që Zaja paraqitet përpara trupit gjykues për t’iu komunikuar masa e sigurisë “arrest me burg”. Ai doli para togave të zeza edhe më parë në 24 mars dhe ka qenë ai që e kërkoi që të lihej në burg.
Zaja u arrestua në fshatin Nikël të Fushë Krujës nga forcat RENEA. Ai akuzohet se ka marrë pjesë në vrasjen e Shkëlzen Kastratit, ndërsa në kërkim janë edhe tre persona të tjerë: Elmir Tufa, 29 vjeç; vëllai i famëkeqit Hektor Xheçuka, Elson Xhecuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë.
Ata akuzohen se janë pjesë e një grupi vrasësish me pagesë dhe se për vrasjen e Kasatratit janë paguar gjithashtu, fillimisht për të ndjekur viktimën e më pas për ta ekzekutuar.
Shkëlzen Kastrati u vra më 1 shkurt në vendin e njohur si Sheq i Madh në Fier. Ai u ekzekutua me dy plumba në makinën e tij. Ekzekutimi dyshohet se ka ndodhur për shkak të konflikteve të vjetra, pasi më herët vëllait të tij, Klemend Kastratit, i ishte bërë një attentat ku ky u plagos, ndërsa mbeti i vrarë Denis Kasaj nga Vlora. Nga hetimet e kryera atë kohë rezlutoi se Klemend Kastrati ishte përfshirë në një plagosje të ndodhur në vitin 2088 dhe në një vrasje bë vitin 2012.
