Ditën e sotme bëhet me dije se Horgito Peqini, 18-vjeçari që vrau Madrit Ulqinakun në Elbasan do të dalë sot në Gjykatë. Peqini pritet të dalë para togave të zeza bashkë me Klaudjan Sallufin, i cili ra gjithashtu në pranga në të njëjtën ditë me adoleshentin. Prokuroria e Elbasanit ka kërkuar masën e sigurisë ‘arrest me burg’ për të të përfshirit në krimin që tronditi Elbasanin mbrëmjen e 17 gushtit.
Gjithashtu pritet që kjo masë të aprovohet nga trupi gjykues. Të dy u vunë në pranga më 22 gusht, në periferi të qytetit të Elbasanit, ndërkohë që kishin gati planin për tu arratisur nga Shqipëria.
33-vjeçari, Madrit Ulqinaku, babai i një vajze mbeti i vdekur në vend pasi u qëllua me armë zjarri sapo doli nga lokali në afërsi të bulevardit kryesor të Elbasanit, pranë stadiumit ‘Elbasan Arena’. Natën e krimit u vu në pranga Eiden Dino, i cili akuzohet si bashkëpunëtor në ngjarjes. I riu rrëfeu në gjyq se i gjithë debati kishte lindur mes Sallufit e Ulqinakut, për motive të dobëta. Dino tregonte se bashkë me Peqinit e Sallufin kishin konsumuar birra e kokainë natë ne krimit, më pas kishin dalë nga shtëpia me një synim, përballjen me Ulqinakun.
Këtë të fundit e kishin parë duke hipur në mjet dhe e kishin konfrontuar. Sipas dëshmisë së 18-vjeçarit, ka qenë Sallufi ai që i ka thënë i pari Ulqinakut se e kishte bërë pis pasi e kishte prekur. Pas debateve mes Ulqinakut e Sallufit, në mes kishte hyrë Peqini, e kishte qëlluar me një plumb 25-vjeçarin, duke e lënë të vdekur në vend.
