Familja e komisarit të Vlorës Artan Cuku, i cili u vra në 8 prill 2017, ka paditur në Gjykatën Administrative Policinë e Shtetit, pasi kërkojnë dëmshpërblim material dhe moral, si dhe drejtësi, pasi sipas tyre urdhëruesi i krimit është ende pa vendim.
Kryekomisari Artan Cuku u vra më 8 prill 2017, në rrugën e Kosovarëve në Tiranë, aty dhe ku banonte. Ndërkohë për këtë ngjarje është arrestuar vrasësi Mishell Shallari i cili vuan ende dënimin, por porositësi i vrasjes Bledar Jambelli, është ende pa vendim gjykate.
Mikel Shallari i ka treguar hetuesve se Jambelli ka paguar për vrasjen e kryepolicit pasi është arrestuar në 2012 nga Cuku, kohë kur mbante postin e Drejtorit të Policisë së Vlorës. Jambelli pagoi 3 mijë euro Mikel Shallarin për të vrarë Artan Cukun, ndërkohë që 22 mijë euro do t’ia jepte pas kryerjes së vrasjes.
Gjithashtu, në pranga fillimisht ka rënë dhe Kristaq Leci sepse është personi që ndërmjetësoi mes porositësit dhe vrasësit të Cukut. Por si Leci dhe Jambelli janë liruar nga autoritetet e drejtësisë greke. Procesi për ta po vijon në gjykatën e Tiranës por për shkak të pushimeve ishte ndërprerë.
