Prokuroria e Tiranës ka bërë me dije se ka arritur që të identifikojë drejtuesin e i cili u ndalua për verifikim nga dy efektivët e policisë, pak minuta përpara se të vritej Klodian Rasha.
Ndërkohë grupi hetimor nuk ka dhënë ende ndonjë informacion të detajuar lidhur me dëshminë e drejtuesit të mjetit. Dëshmitari dyshohet se ka parë të gjithë ngjarjen e vrasjes së 25-vjeçarit Rasha.
Prokuroria ka ngritur ndaj efektivit Nevaldo Hajdaraj, akuzën “vrasje në kapërcim të kushteve të vetëmbrojtjes”. Pritet që kjo vepër penale të ndryshojë në bazë të rezultateve të ekspertizave.
Kujtojmë se ngjarja ka ndodhur në orët e para të mëngjesit në datën 8 dhjetor, ku efektivi i policisë Nevaldo Hajdaraj qëlloi për vdekje 25-vjeçarin Klodian Rasha, pasi ky i fundit kishte thyer orën policore të vendosur për shkak të masave anti-covid./Gazetareforma.com/
