Gazetari Artan Hoxha ka folur mbrëmjen e sotme për vrasjen e 25 vjeçarit Klodian Rasha nga efektivi Nevaldo Hajdaraj në 8 dhjetor.
Gazetari tregoi një tjetër version të vrasjes, atë të përplasjes fizike mes Klodjanit dhe policit.
Hoxha tregoi se Rasha ka një dëmtim të madh në pjesën e pasme të kokës, në pjesën e kockës së hundës dhe ballit dhe të fytyrës, ndërsa plumbin e ka marrë nga pas.
“Ka dyshime që mund të ketë pasur konfrontim fizik. Viktima ka një dëmtim të madh në pjesën e pasme të kokës, në pjesën e kockës së hundës dhe ballit dhe të fytyrës. Ajo që është fakt është se viktima e ka plumbin nga mbrapa. Distanca është 6 ose 7 metra sepse nuk mund të kesh shënjestër nga një distancë më e madhe
Arma është gjetur në distancë nga vendi i ngjarjes. Vërtetësia do të dalë nga ekspertiza. Më duket e çuditshme që nëse viktima do të kishte pasur armë pse duhet ta kishte hedhur aq larg.
Policia jonë e ka traditë që nuk qëllon me armë. Policia jonë është treguar më tepër tolerante se sa ka vepruar ndryshe nga vendet e tjera”, deklaroi gazetari Artan Hoxha./Gazetareforma.com/
