Anxhelo Avdia dhe Dorian Shkoza u ekzekutuan me breshëri plumbash mbrëmjen e djeshme në Shkozet të Durrësit.
Dy viktimat ishin duke ecur në këmbë, kur u qëlluan nga disa persona që gjendeshin në makinë.
Disa orë pas ngjarjes policia gjeti një makinë tip “Mercedez Benz” të djegur në zonën e njohur si Bishti i Zhurit në Rrogozhinë.
Makina dyshohet se i përket autorëve të vrasjes së dyfishtë, të cilët më pas e kanë braktisur për të mos lënë gjurmë.
Vrasja e dyfishtë në Durrës: Policia bie në gjurmët e autorëve
Njëri nga viktimat, Dorian Shkoza mësohet se ka qenë i dënuar me 8 vite burg për trafik droge dhe është liruar nga burgu në vitin 2010.
Së fundmi ka qenë një ndër subjektet e OFL-së, ndonëse emri i tij nuk ishte publikuar ende si pjesë e listës.
U vra në Durrës: Ja kush është i riu i dënuar për trafik droge, pjesë e listës së OFL (FOTO)
Policia ngriti postblloqe në çdo cep të qytetit mbrëmjen e djeshme, por nuk arriti dot në kapjen e autorëve.
Mëngjesin e sotëm mësohet se gjatë natës janë shoqëuar në polici plot 45 shtetas nga Durrësi dhe nga qytete të tjera, por asnjëri prej tyre nuk kishte lidhje me ngjarjen.
Dyshohet se autorët ishin vrasës me pagesë dhe një nga pistat e hetimit ka të bëjë me prishjen e pazareve të drogës.
Gjatë ekzekutimit dy viktimat kanë qenë duke ecur anës rrugës bashkë me dy shokë të tjerë, të cilët fatmirësisht kanë shpëtuar nga sulmi.
