Policia italiane po heton masakrën ndaj ndaj çiftit shqiptar Shpëtim dhe Tetuta Pasho. Ata ishin zhdukur në vitin 2015, ndërsa pak javë më parë u gjetën të vrarë dhe trupat e tyre të copëtuar ishin futur në valixhe.
Mediat italiane bëjnë me dije se në lidhje me këtë ngjarje është arrestuar Eliona Kaleshi, ish e dashura e djalit të çiftit, i cili është në burg në Zvicër. Autoritetet nuk japin më shumë detaje në lidhjen me arsyen që çoi në arrestimin e 36-vjeçares.
Kujtojmë Shpëtim dhe Teuta Pasho rezultonin të zhdukur prej 2 nëntorit 2015.
Në lidhje me këtë ngjarje u shpall në kërkim djali i çiftit, Taulant Pasho. Ky i fundit kërkohet tashmë në të gjithë botën pasi është i vetmi person që pa prindërit, Shpëtim dhe Teuta Pasho, ditën që ata u zhdukën.
Më datë 2 nëntor 2015, çifti nga Vlora kishte shkuar para burgut Sollicciano për të përqafuar djalin që atë ditë do të lirohej, pasi kishte vuajtur 4 vjet dënimin për drogë. Por, prej asaj dite, Taulanti dhe dy prindërit e tij u zhdukën, derisa u gjetën pak javë më parë, pas 5 vitesh, të copëtuar dhe të futur në valixhe.
Sipas hetuesve, Taulant Pasho mund të jetë çelësi për të zbuluar misterin e vdekjes së prindërve të tij që mbërritën nga Shqipëria për ta takuar dhe u zhdukën në të njëjtën ditë kur djali i tyre fitoi lirinë.
/Gazetareforma.com/
