Gjykata e Tiranës ka dhënë masën e sigurisë për Izet Haxhinë. Ish-truproja e Sali Berishës, akuzohet për vrasjen e Azem Hajdarit në 12 Shtator 1998, teksa është dënuar me 21 vite burg, Sipas vendimit të Gjykatës, Izet Haxhia është shpallur fajtor për kryerjen e veprës penale te “Vrasje me paramendim” e kryer ne bashkëpunim dhe ne baze te nenit 78/2 e 25 te K. Penal dënimin e tij me 21 (njëzet e një) vite burgim. Pritet që Hazhia të vuajë dënimin në një burg të sigurisë së zakonshme. Ne kohen e vuajtjes se dënimit Haxhisë do t’i llogaritet edhe koha e qendrimit te tij ne arrest ne burg.
Izet Haxhia ka qenë truproja i parë i Sali Berishës, njeriut që ka drejtuar më shumë Shqipërinë që nga viti 1992. I ardhur nga Tropoja për të studiuar mjekësi, Haxhia, pjesëtar i një familje të madhe, simpatizoi bashkëpatriotin e tij pedagog dhe mjek i njohur, Sali Berisha dhe ju “ngjit” duke pranuar ta mbronte 24 orë në ditë. Lë studimet në mes dhe i shërben si truprojë Sali Berishës pa u ndarë për mbi 8 vjet, që nga viti 1990 deri në vitin 1998. Në vitet e qeverisjes së PD-së del në pah një konflikt i hapur ndërmjet tij dhe Azem Hajdarit, kreut të Lëvizjes Studentore dhe deputet i PD-së. Edhe ai nga Tropoja. Izet Haxhia nuk ishte thjesht një oficer i Gardës në ato vite, por një mekanizëm force politike që ka vepruar ndaj shumë personazheve që kanë kritikuar apo sulmuar Sali Berishën, përfshirë dhe Edi Ramën, kur ky i fundit ishte thjesht pedagog.
