Të tjera detaje dalin në dritë nga ekzekutimi i 35- vjeçarit mbrëmjen e djeshme në Tiranë në zonën Kodër Kamëz.
Autorët pasi kanë ndjekur 30-vjeçarin, i cili ka dalë nga një bar kafe e kanë ekzekutuar atë në momentin që sapo ka hyrë në mjetin e tij dhe më pas janë larguar me “Audin” që u gjet i djegur më pas në Institut. Mjeti i autorëve ishte me targa të huaja ndërsa brenda saj ndodhej dhe arma e krimit tip kallashnikov.
35-vjeçari u gjet brenda makinës së tij, rreth orës 20:00, i plagosur rëndë. 35-vjeçari u dërgua në spital, por rrugës ndërroi jetë. Zona ku ndodhi krimi është e rrethuar nga policia e cila është vënë në kërkim të autorëve, por ende nuk ka një pistë mbi ngjarjen.
Can Karici ishte një person me precedentë penalë në fushën e krimeve kundër personit. Mediat raportojnë se Kariçi që u vra brenda mjetit të tij me targa gjermane, njihej dhe me nofkën ‘ujku’. Ai ishte nga Dibra dhe banonte në Bathore. Kariçi për herë të fundit është vënë në pranga në muajin shkurt të këtij viti pas një aksioni e operacioni që organizuan forcat RENEA në zonën e Kurbinit, pasi iu gjetën fishekë dhe pistoletë tip ‘Glock’.
Ai u lirua nga qelia por Gjykata e la nën masën e sigurisë ‘arrest shtëpie’. Raportohet se Kariçi ka qenë mik i ngushtë me dy të rinjtë, Eriges Mihasi dhe Armand Dumani, të cilët u vranë në zonën e Astirit mbrëmjen e 13 nëntorit.
