Vrasja e 18-vjeçares Maigona Osmani ishte një ngjarje tronditëse për të gjithë, e sidomos për familjarët e viktimës.
Ata paralajmërojnë duke thënë se nëse nk përveç drejtësisë ligjore do të veprojnë dhe me kanun që personat përgjegjës të marrin dënimin e merituar.
Xhaxhai i të resë ka treguar se është shokuar kur ka parë kufomën e mbesës së rrahur për vdekje.
Ai tregon se Mrigona kishte shumë shenja në fytyrë dhe dukej sikur kishte dalë nga një film horror.
“Sot kur e pamë kufomën, fytyrën e saj dhe trupin se çfarë i kishte bërë ai, unë s’do mundesha t’ia bëja as hasmit e lërë më personit që e kam në shtrat. Kishte shumë shenja në fytyrë, në gjunjë, e rrahur, e dhunuar, shumë e sulmuar, dukej si horror.
Ai ka qenë sigurisht në ndikim të alkoolit e drogës, sepse njeriu normal nuk mund ta sjellë dikë në atë gjendje.
Edhe nëse do ta lironin nga burgu nesër, prapë nuk jemi pishman, sepse në Kosovë kemi dy drejtësi, është ajo ligjore dhe ajo e kanunit. Nuk është e lehtë për ne, është dhimbje e madhe ajo që na ndodhi,”- shprehet xhaxhai i të ndjerës.
Ngjarja e rëndë ndodhi disa ditë më parë, kur Dardan Krivaqa dhe Arbër Sejdiu dhunuan për vdekje 18-vjeçaren Marigona Osmani duke e lënë më pas jashtë dyerve të spitalit të Ferizajt. Krivaqa u arrestua ditën e djeshme nga Policia e Kosovës, ndërsa arrestimi i Sejdiut u bë i mundur pak orë pasi kishtë ndodhur ngjarja.
