Në një intervistë për “Top Story”, Kryekomisari i Policisë, Asllan Shytaj, ka dhënë detaje të reja mbi vrasjen e Martin Canit, një ngjarje që tronditi Shqipërinë.
Shytaj konfirmoi se autori i krimit, i cili është plagosur gjatë përleshjes, ndodhet aktualisht në spital.
Profesori i kriminalistikës, Ervin Karamuço, gjithashtu bëri me dije se autori kishte vetëm dorën të fashuar dhe nuk kishte plagë të tjera të rënda.
Kryekomisari theksoi se autori nuk ka shfaqur asnjë shenjë pendese për krimin që ka kryer. Ai gjithashtu zbardhi një detaj të rëndësishëm, duke nënvizuar se dy familjet e të miturve të përfshirë në këtë ngjarje tragjike janë nga veriu i Shqipërisë, një zonë ku fenomeni i “gjakmarrjes” është ende i pranishëm dhe ndikon në konflikte të thella mes familjeve.
“Nuk kemi qenë prezent, por vazhdon të jetë i acaruar, jo i penduar. Konflikti do jetë i hapur mes dy familjeve. Janë dy familje me origjinë nga veriu. Atje ekzistojnë akoma këto të gjakmarrjes”, tha Shytaj
