Janë shoqëruar në gjykatë nën masa të rrepta sigurie dy vëllezërit dhe kushëriri i tyre të akuzuar për vrasjen e kushërinjve Mikel dhe Jani Jushi.
Krimi i rëndë ndodhi mbrëmjen e 28 prillit ndërsa autorët u vetëdorëzuan disa ditë më pas.
Ata kanë rrëfyer se krimi kishte ndodhur në gjaknxehtësi e sipër dhe se debati në lokal kishte nisur për një fotografi të publikuar në rrjetet sociale.
Sot paradite Gjykata e Kurbinit vendosi masën e sigurisë “Arrest me burg” për Markel, Manuel dhe Vincens Bushin.
Gjykata e Kurbinit ka lënë në burg tre autorët për vrasjen e kushërinjëve Kelvin dhe Erjon Jushi.
Markel Bushi është shfaqur i penduar për veprimin që ka bërë, e ndërsa ka shpërthyer në lot përpara gjykatësve. Ai ka deklaruar se nuk ka pasur qëllim që t’i vriste. Nga ana tjetër, bashkautori është shprehur se ngjarja ka agravuar deri në përdorimin e armëve pasi viktimat i kanë goditur me sende të forta. Ndërkohë, Manuel Bushi ka zgjedhur të hesht.
Ngjarja ndodhi mbrëmjen e së dielës rreth orës 20:15 në lagjen nr. 1 në qytetin e Laçit. Sipas policisë konflikti ka qenë i çastit, por Shqiptarja.com mësoi se shkak ka qenë vëllai i vogël i Markel Bushit, Manueli i cili pas grindjes me dy kushërinjtë mori në telefon vëllanë e madh dhe kushëririn e tij Vinceskun.
Pas sherrit të nisur brenda në lokal, dy palët më pas kanë dalë jashtë për t’u sqaruar, konflikti ka agravuar dhe duke parë që autorët kishin armë me vete, dy kushërinjtë u larguan me vrap. Por, autorët i kanë ndjekur për rreth 100 metra Kelvin dhe Erion Jushin dhe i kanë qëlluar disa herë me pistoletë.
