Vrasësi i Behar Sofisë ka dalë ditën e sotme për t’u njohur me masën e sigurisë. 23-vjeçari Ernejt Shyti ka dalë para Gjykatës së Tiranës me kokën ulur dhe ka qëndruar i heshtur.
Nga hetimet e deritanishme rezulton se Behar Sofia është vrarë për shkak të konfilketeve të mëparshme që kanë të bëjnë më trafikun e heroinës nga Turqia në Shqipëri e më pas në vendet e BE. Porositësi i vrasjes është Skënder Vathi, i cili ka rënë në prangat e policisë. Po ashtu ka pamje filmike ku Vathi së bashku me Leonar Xhixhën shoqëron Shytin që ta njohë më mirë viktimën. Në dëshimnë e dhënë Shyti ka zbuluar se Vathi kishte kërkuar që vrasjen ta kryente Xhuliano Visha, por ky i fudnit nuk kishte pranuar pasi e kishte vëzhguar viktimën për n jë kohë të gjatë dhe kishte frikë mos ai e njihte. Deri tani për vrasjen janë arrestuar:
- Ernejt Shyti, 24 vjeç, lindur dhe banues në Tiranë, në rolin e ekzekutorit
- Skënder Vathi, 54 vjeç, lindur në Arrameras, Fushë-Krujë dhe banues në Tiranë, në rolin e organizatorit
- Leonar Xhixha, 30 vjeç, lindur dhe banues në Arrameras, Fushë – Krujë, i dënuar më parë për veprën penale “Vrasja me paramendim” ngelur në tentativë, në rolin e ndihmësit dhe vëzhguesit
- Xhuljano Visha, 28 vjeç, i dënuar më parë për veprën penale “Vjedhja”, në rolin e ndërmjetësuesit
