Hetimet për ngjarjen e rëndë të ndodhur në 24 prill të vitit 2018 në Kamëz kanë përfunduar. Tashmë është dhënë dënimi edhe për dy autorët e grabitjes së një marketi, ku mbeti i pajetë edhe pronari i tij.
Po ashtu, dy autorët e ngjarjes plagosën edhe bashkëshorten e viktimës e cila ka pasur edhe armë për vetëmbrojtje në market.
Ditën e sotme Gjykata e Shkallës së Parë në Tiranë ka marrë edhe vendimin për dy autorët. Mësohet se është dënuar me burgim të përjetshëm Vladimir Kurti dhe 26 vite burg për Rruzhdi Hodën.
Të dy autorët e ngjarjes e kanë pranuar krimin, ku mbeti i pajetë Agim Buçi dhe u plagos rëndë bashkëshortja e tij, Rita Buçi. Ngjarja ka ndodhur në sy të djalit të vogël të çiftit Buçi.
Sipas ekspertizës dhe zbardhjes së ngjarjes, ka qenë gjatësia dhe shenjat e përleshjes me viktimën ato që kanë tradhtuar Vladimir Kurtin, i cili nga hetimet rezultoi se ishte ai personi që ka qëlluar me armë.
Ngjarja edhe më e plotë është zbardhur nga kamerat e sigurisë, por edhe nga dëshmia e bashkëshortes së vikimës, e cila mbante armë në market për vetëmbrojtje, në rast të ndonjë grabitjeje të mundshme.
