Pas mbledhjes së jashtëzakonshme që po mbahet në Kongresin amerikan, ku pritet votimi për certifikimin e fituesit të zgjedhjeve të 3 nëntorit, Joe Bidenit, është përshkallëzuar protesta pranë ndërtesës së Kapitolit në Uashington.
Sipas asaj që raportojnë mediat amerikane, disa protestues kanë thyer kordonin e policisë, duke u futur edhe në ambientet e ndërtesës së Kapitolit ku edhe po mbahet votimin nga kongresmenët.
Ndërkohë presidenti në detyrë, Donald Trump ka deklaruar se nënpresidenti, Mike Pence nuk bëri maksimumin për të mbrojtur vendin.
Nga ana tjetër për këtë situatë ka reaguar edhe djali i Donald Trump, Donald Trump JR.
Ai ka publikuar një video të protestuesve që përleshen me policinë dhe shkruan: Kjo është e gabuar ne nuk jemi këta. Bëni protestë paqësore. Ne kemi një vend për të shpëtuar edhe kjo që po bëni nuk ndihmon aspak.
Ndërkaq, policia ka bërë të mundur evakuuimin e ndërtesës Madison të Kapitolit, pasi dyshohet se qytetarë kanë vendosur lëndë plasëse.
Presidenti aktual i SHBA-së, Donald Trump, ka deklaruar se ai dhe stafi i tij kanë siguruar prova të pakundërshtueshme se zgjedhjet e 3 nëntorit janë manipuluar nga Biden.
Trump ndër të tjera është shprehur se nuk do të dorëzohet dhe se nuk do ta pranojë humbjen dhe të lëshojë Shtëpinë e Bardhë.
Kujtojmë se aktualisht në Kongres po mbahet takimi për të certifikuar fituesin e zgjedhjeve presidenciale të 3 nëntorit, me kandidatin demokrat, Joe Biden i cili është favorit për të marrë presidencën kundrejt rivalit dhe presidentit aktual, Donald Trump./Gazetareforma.com/
