Vota e emigrantëve ka qenë një temë mjaft e diskutuar muajt e fundit, kjo për shkak se nuk u bë e mundur që ata të votonin në këto zgjedhje parlamentare. Së fundi, lidhur me këtë temë ka reaguar edhe kryetarja e Lëvizjes për Ndryshim, Jozefina Topalli.
Ajo ka qenë e ftuar në emisionin “Zgjedhje 2021” në Vizion Plus, ajo ka komentuar ndër të tjera edhe fletën e votimit e po ashtu edhe çështjen e sipërpërmenduar. Topalli tha se Kodi Zgjedhor u vonua aq shumë sa e bën të pamundur votimin e emigrantëve. Kjo sipas Topallit është arritur me konseus mes partive, sepse ndryshe do kishte përplasje.
Nuk di të them se cili variant është më mirë sepse është i paprovuar më parë. Mund të bëhej me numër apo siç bëhet në Danimarkë të vendos një fletë tjetër që të dihet kush emër korrespondon me numrin. Mund të ishte organizuar më mirë. Kodi zgjedhor ka vonuar shumë saqë bën të pamundur votimin e emigrantëve. Ka konsensus ndërmjet tyre sepse në të kundër do kishte përplasje.
Vendi ka nevojë për ndryshim dhe ndryshimi nuk janë Lulzim Basha apo Monika Kryemadhi apo Edi Rama apo Ilir Meta. Nëse nuk marr asnjë mandat do të tërhiqem nga jeta politike.”, u shpreh Topalli.
Kreu i Komisionit Qendror të Zgjedhjeve, Ilirjan Celibashi deklaroi muajin e kaluar se do të jetë e pamundur për emigrantët të votojnë në këto zgjedhje. Sipas tij institucionet nuk kishin bërë një punë të mirë për regjistrimin e emigrantëve.
Sipas të dhënave të INSTAT, nga viti 2011 deri në vitin 2019, kanë emigruar më 365 mijë shqiptarë.
