Sot është dita e gjashtë e aplikimeve për regjistrimin e votuesve shqiptarë jashtë vendit, për të marrë pjesë në zgjedhjet e 11 majit. Sipas të dhënave të publikuara nga Komisioni Qendror i Zgjedhjeve, deri tani janë regjistruar 19.918 aplikime, prej të cilave janë shqyrtuar 6.054 aplikime.
Nga këto, 4.213 janë miratuar, ndërsa 1.841 janë refuzuar. Personat e refuzuar kanë mundësinë të riaplikojnë deri më 4 mars, data e përfundimit të afatit.
Aplikimet janë dorëzuar kryesisht nga meshkujt (67.2%), ndërsa vetëm 32.8% e aplikimeve vijnë nga femrat. Grupi më i interesuar për t’u regjistruar janë individët nga mosha 26-35 vjeç, që përbëjnë 30.7% të aplikimeve.
Sa i përket shteteve, aplikimet janë kryesisht nga:
• Italia 30.5%
• Greqia 22.1%
• Gjermania 15.7%
