Presidentja e Komisionit Europian, Ursula von der Leyen, bashkë me kryediplomatin e BE-së, Josep Borrell, sot udhëtuan drejt Ukrainës për t’u takuar me liderët e vendit.
Dy udhëheqësit europianë bashkë me kryeministrin e Sllovakisë, Eduard Heger, shkuan edhe në vendin ku u raportua se u krye masakër, në Bucha.
Sulmi në Bucha ku vdiqën me dhjetëra civilë, u dënua nga Perëndimi dhe Shtetet e Bashkuara të Amerikës.
Dy zyrtarë të lartë të Bashkimit Evropian, Ursula von der Leyen dhe Josep Borrell, si dhe kryeministri sllovak, Eduard Heger kanë arritur kryeqytetit ukrainas, Kiev, ku do të takohen me presidentin e këtij shteti, Volodymyr Zelensky.
Kjo njëherësh është vizita e parë e liderëve të Perëndimit prej publikimit të imazheve për mizori në qytezën ukrainase, Buça.
Presidentja e Komisionit Evropian, Ursula von der Leyen dhe kryediplomati i BE-së, Josep Borrell, udhëtuan drejt Kievit me tren nga qyteza polake, Przemysl, vetëm 13 kilometra nga kufiri ukrainas.
Hapësira ajrore mbi Ukrainë është e mbyllur për udhëtime ajrore, për shkak të luftës.
Zyrtarët evropianë thanë se ata kanë për synim që të ndihmojnë Ukrainën në rrugën e saj drejt afërimit me BE-në, duke krijuar “një ekip të reformave”.
Në mesin e muajit mars, kryeministrat e Polonisë, Sllovenisë dhe Republikës Çeke kanë udhëtuar me tren në Kiev.
Javën e kaluar edhe presidentja e Parlamentit Evropian, Roberta Metsola e ka vizituar kryeqytetin ukrainas.
Perëndimi ka ashpërsuar sanksionet ndaj Rusisë, pas imazheve që tregojnë për ekzekutime të civilëve në rrugët e Buchas.
Ukrainasit që u detyruan të jetojnë me të vdekurit disa ditë
Zyrtarët lokalë kanë thënë që më shumë se 300 njerëz janë vrarë nga forcat ruse në Buça dhe rreth 50 prej tyre janë ekzekutuar.
Moska hedh poshtë akuzat.
Si përgjigje ndaj këtyre mizorive të dyshuara ruse, von der Leyen ka propozuar pakon e pestë me sanksione për të shënjestruar Rusinë.
Përfaqësuesit e 27 vendeve anëtare të BE-së, kanë përkrahur këto sanksione më 7 prill.
