DVP Elbasan ka finalizuar operacionin policor të koduar “Shpenzimet”, ku u arrestua 38-vjeçari A. B., i cili akuzohet për vjedhjen e një shume prej 2,500,000 lekësh të rinj në fabrikën që ai administronte.
Gjatë hetimeve të zhvilluara për disa javë, në bashkëpunim me Prokurorinë e Qarkut dhe Seksionin për Hetimin e Krimeve Ekonomike dhe Financiare të DVP Elbasan, u zbuluan detaje të veprimeve të tij kriminale.
Sipas hetimeve, A. B. ka vjedhur 2,500,000 lekë të rinj gjatë një periudhe njëvjeçare nga fabrikën për prodhimin e nënprodukteve të mishit që ai drejtonte.
Shuma dyshohet se është marrë nga xhiro ditore e fabrikës, ndërsa një pjesë e saj është vjedhur gjithashtu duke mashtruar se do të blinte një automjet për nevojat e fabrikës.
Pas ndalimit të 38-vjeçarit, Prokuroria e Elbasanit ka nisur procedurat përkatëse dhe materialet i janë dorëzuar Gjykatës së Shkallës së Parë të Juridiksionit të Përgjithshëm Elbasan për veprime të mëtejshme.
