Në mediat ndërkombëtare po qarkullojnë prej kohësh informacione se Presidenti autokrat rus, Vladimir Putin, përdor disa sozi për takimet e tij të shumta. Ky spekulim u riaktualizua pas vizitës së fundit të Putin në Korenë e Veriut, ku disa studiues të internetit dhe media të ndryshme sugjerojnë se nuk ishte vetë Putin që mbërriti në Penian, por një sozi e tij.
Sipas rrjetit Daily Star, në vizitën e tij në Korenë e Veriut me ftesën e Kim Jong-un, Putin u pa duke zbritur nga avioni dhe duke u takuar me liderin korean. Detajet që kanë ngritur dyshimet për përdorimin e një sozie përfshijnë përqafimet dhe sjelljet e tij të pazakonta, të cilat nuk janë tipike për presidentin rus. Komentues të ndryshëm theksojnë se sozia duket sikur ka ndryshime të lehta në pamjen e fytyrës, siç janë mollëzat, që mund të tregojnë për përdorimin e operacioneve plastike për të ngjarë më shumë me Putin.
Raportime të mëparshme kanë sugjeruar se Putin ka përdorur sozi në disa raste, dhe ky informacion është konfirmuar nga disa burime, përfshirë kritikun Andriy Yusov, i cili deklaroi se teknologjia e sozive përdoret nga shumë qeveri, veçanërisht nga rrethi i ngushtë i Putin.
Kremlini ka mohuar vazhdimisht këto akuza, duke i cilësuar si “informacione të pabaza” dhe “absurde”. Pavarësisht këtyre mohimave, spekulimet vazhdojnë të përhapen, sidomos në rastet kur Putin shfaqet në publik në mënyra të pazakonta ose të papritura
