Presidentja e kosovës, Vjosa Osmani ka pritur në një takim kryeministrin e Luksemburgut Xavier Bettel. Osmani është shprehur se Kosova pret mbështetje nga Luksemburgu s ai përket liberalizimit të vizave dhe një theks i veçantë u vu edhe te bashkëpunimi ndërshtetëror.
Presidentja ka deklaruar gjithashtu se Kosova është për vazhdim të dialogut me Serbinë, që do të përfundojë në njohje reciproke. Sa i përket vendosjes së reciprocitetit për target, Osmani tha se po zbatohen marrëveshjet.
Njoftimi nga Presidenca e Kosovës:
Kosova pret mbështetje nga Luksemburgu në çështjen e liberalizimit të vizave, ka theksuar Presidentja Osmani në takim me kryeministrin Bettel. Sipas saj, një mbështetje të tillë nga Luksemburgu pritet edhe në procesin e anëtarësimit të Kosovës në organizata ndërkombëtare.
Një theks i veçantë në këtë takim u vu edhe te bashkëpunimi ndërshtetëror.
“Kosova ka ende nevojë për mbështetje, posaçërisht në shkëmbimin e përvojave dhe partneritetit për zhvillim të qëndrueshëm. Ne e çmojmë lart ndihmën e Luksemburgut në përmirësimin e shërbimeve shëndetësore në Kosovë”, ka theksuar Presidentja Osmani, duke shfaqur gatishmërinë për thellimin e bashkëpunimit në sferën e shkëmbimit ekonomik e tregtar, por edhe në fusha të tjera të interesit reciprok.
“Kosova është për vazhdimin e dialogut më Serbinë, i cili do të rezultojë me arritjen e një marrëveshje gjithëpërfshirëse dhe ligjërisht e obligueshme dhe i cili duhet të përfundojë me njohje reciproke dhe ruajtje të karakterit unitar të Republikës së Kosovës”, ka theksuar Presidentja Osmani.
Ndërkaq sa i përket situatës aktuale në Kosovës, Presidentja ka përsëritur se me vendosjen e reciprocitetit për targat, vetëm po zbatohet marrëveshja me Serbinë e vitit 2011 dhe 2016.
