Presidentja e Kosovës Vjosa Osmani ka mbërritur para pak minuash në Pallatin e Kongreseve në kuadër të samitit që do të zhvillohet në vijim për Ukrainën.
Osmani është pritur nga Rama dhe Zelenskyy, ndërsa ka thënë për mediat se në samit do të shprehet mbështetja për Ukrainën duke folur për hapa konkretë.
Osmani ka theksuar se në këtë Samit do të kërkojë edhe njohjen e Kosovës nga Ukraina, por me mirëkuptimin se Ukraina është në një situatë lufte dhe se njohja do të vijë pas fitores së Kievit.
Po ashtu, e pyetur mbi ballafaqimin e mundshëm me delegacionin serb apo presidentin Vuçiç, ajo tha se gjithmonë ka pasur ballafaqime me presidentin e Serbisë Vuçiç.
