Vjen në Tiranë prokurorja që ka hetuar ish-kryeministrin dhe ish-zv/kryeministrin kroat për korrupsion.
Bëhet fjalë për Tamar Laptosh, prokuroren e cila nuk ka kursyer dy zyrtarë të lartë për t’i dërguar në bankën e të akuzuarve e për t’i dhënë atyre dënimin që meritonin.
Mësohet se Laptosh do të qëndrojë në vendin tonë për dy vite dhe do të ndihmojë strukturat e drejtësisë që të hetojnë korrupsionin dhe zyrtarët e lartë të përfshirë në të.
Laptosh ka treguar se për ta luftuar këtë fenomen duhet fillimisht që SPAK dhe prokurorët që bëjnë pjesë në të, të jenë figura të besuara, të keni besueshmëri tek popullata dhe të jenë të mirëkoordinuar me Gjykatën kundër Korrupsionit.
“Kur unë po hetoja ish-kryeministrin, besueshmëria e publikut nuk ishte shumë e lartë sepse ai ishte i fuqishëm dhe arrogant. Ne vinim nga një eksperiencë në të cilën nuk ishte hetuar ekzekutivi, por më pas u mblodhën prova dhe gjatë procesit besueshmëria e publikut u rrit”, ka thënë Laptosh.
Njëra nga prokuroret ka pyetur nëse SPAK mund ta përmbysë fenomenin, gjë për të cilën prokurorja kroate shprehet e sigurt.
