Operacioni Forca e Ligjit (OFL), ka zbarkuar sot në qytetin bregdetar të Vlorës, ku u ka dërguar formularin e vetëdeklarimit të pasurisë, 3 të dënuarve.
Mësohet se OFL u ka dërguar formularin shtetasve:
Jurgen Veizaj (Memaj) është dënuar për veprën penale “Prodhimi dhe shitja e narkotikëve”.
Hekuran Gerbini i dënuar për veprën penale “Prodhimi dhe shitja e narkotikëve”;
Ndërsa Saimir Bubeqi i dënuar për veprën penale “Vjedhja e bankave dhe arkave të kursimit”.
Njoftimi i Policisë:
OFL, 13 nëntor
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
Jurgen Veizaj (Memaj) është dënuar për veprën penale “Prodhimi dhe shitja e narkotikëve”.
Hekuran Gerbin i dënuar për veprën penale “Prodhimi dhe shitja e narkotikëve”;
Ndërsa Saimir Bubeqi i dënuar për veprën penale “Vjedhja e bankave dhe arkave të kursimit”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./GazetaReforma.com/
